3 April 2025 - 12:09
Li Xezzeyê di bombekirina avahiyan de 15 Filistînî şehîd bûn / Li Xezzeyê cihekî ewle nîne

Êrîşên hovane yên Rejîma Siyonîst ser zîvala Gezeyê îro jî berdewam bûne û di encamê de hejmarek ji filistîniyên din şehîd bûne.

Li gorî rapora nûçegihanê çandî yê Ajansa Navneteweyî ya Ehl-ul Beytê (s.x)-ABNA - Çavkaniyên filistînî ragihandin ku di encama bombebarana taxeke niştecihbûnê ya li kolana El-Mensûra li taxa Şuca'iya bajarê Xezxeyê, 15 şehîd bo nexweşxaneya El-Mo’amedanî hatin veguhestin û hejmarek şehîd hîn jî di bin xirbeyan de ne.

Ji aliyeke din ve topxaneyên Rejîma Îsraîlê bi tundî başûrê Xezayê topbaran kirin. Topxaneyên Îsraîlê li herêma Qeyzan el-Necar a li başûrê bajarê Xan Yûnisê li başûrê Xezeyê malek dan ber topan. Di encama vê êrîşê de kesek şehîd bû.

Çavkaniyên Filistînî ragihandin ku îro danê sibê di encama êrişên hewayî yên ser Xezzeyê de herî kêm 24 filistînî şehîd bûne.

Keştiyên şer ên Îsraîlê herêmên peravê yên bajarê Xan Yûnisê gulebaran kirin.

Li rojavayê Refahê herêma Tel El-Sattan jî di bin topbarana Îsraîlê de ye û tankên Îsraîlê jî herêmê topbaran dikin

Herêma Yermûkê ya li navenda Xezzeyê jî ji êrîşên rejima Îsraîlê bêpar nema. Her wiha herêmên rojhilatê kampa El-Bûrîj a li navenda Xezzeyê ji aliyê balafirên Îsraîlê ve hatin topbarankirin.

Rejîma Îsraîlê her wiha 3 êrîşên esmanî birin ser bajarokê Abbasan el-Kabaira yê li rojhilatê Xan Yûnisê li başûrê Xezeyê.

Helîkopterên artêşa Îsraîlê jî welatiyên bajarê Refahê yê li başûrê Xezzeyê dan ber topan.

Di heman demê de çavkaniyên mafên mirovan behsa awarebûna 100 hezar kesî di rojên derbasbûyî de kirin û ragehandin ku ne mimkûne ku bigihêje %64ê deverên Xezzeyê û ti cihên ewle li deverê de nemane.

......................

 Dawiya peyamê /

Tags

Your Comment

You are replying to: .
captcha